མགར་ཆོས་ཉིད་དོན་རྟོགས་ཀྱི་པོད་ཁུག

關於部落格

གྲོགས་པོ་ཚོ་འདིར་ཕེབས་པར་དགའ་བསུ་ཞུ།།
  • 4986

    累積人氣

  • 0

    今日人氣

    0

    訂閱人氣

༄༅།། ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་དམིགས་བསལ་ཛ་དྲག་གསལ་བརྡ།

 ༄༅།།  ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་   

                    དམིགས་བསལ་ཛ་དྲག་གསལ་བརྡ།

 

ཐའེ་ཝན་གནས་བཞུགས་མཁན་སྤྲུལ་དགེ་བཤེས་དགེ་འདུན་པ་དད་སློབ་སྦྱིན་བདག་དང་བཅས་པའི་སྙན་དུ་

                                                                                     ཆེད་གསོལ། 

སྤྱི་ལོ་༢༠༡༡མགོ་ཚུགས་ཙམ་ནས་ཡ་ང་བའི་གོད་ཆག་ཆེན་པོས་སའི་གོ་ལ་ཡོངས་ལ་འཇིགས་སྣང་ཚད་མེད་སྐུལ་བཞིན་པའི་དུས་མཚུངས་སུ་རང་རེའི་ཁྱིམ་མཚེས་འཇར་པན་གྱི་མཚོ་འཁྱོམ་གནས་སྟངས་ཤིན་ཏུ་ཛ་དྲག་ཏུ་གྱུར་ཡོད་པ་དང་། ད་དུང་མཚོ་འཕྱུར་དང་ཉིང་རྡུལ་གློག་གི་འབར་གས། ཁྱབ་འཕྲོའི་འོད་རླབས་ཕྱིར་ཤོར་བ་སོགས་ཀྱི་འཇིགས་སྔངས་ཆེན་པོ་དང་། མི་འབུམ་ཚོགས་མང་པོ་ཉེན་ཡོལ་དུ་གྱར་ཞིང་། 

དེ་ལས་མང་པར་དཀའ་ངལ་འཕྲད་བཞིན་པ། འཛམ་གླིང་རང་བཞིན་གྱི་སྔངས་འཚབ་སློང་བཞིན་པ།  ཡུལ་གྲུ་མང་པོར་ཕྱོགས་མཚུངས་ཀྱི་ཉེན་ཁ་ཡོད་པ། དེ་བཞིན་རྒྱ་ནག་ཡུན་ནན་གྱི་ས་ཡོམ་དང་ལེ་བྷི་ཡ་གྱི་གཡུལ་འཁྲུག་སོགས་རང་བྱུང་དང་མིས་བཟོས་ཀྱི་དཀའ་ངལ་ཡ་ང་བ་གཅིག་རྗེས་གཉིས་མཐུད་ཡོང་བཞིན་པ། 

ད་དུང་རང་རེའི་གནས་ཡུལ་ཐའེ་ཝན་ལ་ཡང་འབག་རྩོག་གི་ཤུགས་རྐྱེན་དང་ས་འགུལ་མཚོ་འཁྱོམ་གྱི་ཤུགས་རྐྱེན་སོགས་ཡོང་སྲིད་པའི་ཉེན་ཁ་དེ་དག་ལས་གྲོལ་བ་དང་། སྐབས་འདིའི་གོད་ཆག་ཁྲོད་རྐྱེན་ལམ་དུ་གྱུར་པ་རྣམས་ཀྱིས་བདེ་འགྲོའི་གོ་འཕང་ཐོབ་ཅིང་། ཤུལ་ལུས་རྣམས་གང་མྱུར་ལུས་སེམས་གྱི་སྡུག་བསྔལ་མཐའ་དག་ལས་ངལ་གསོ་ཐོབ་སྟེ། རྒྱུན་ལྡན་གྱི་འཚོ་བ་སླར་གསོ་ཡོང་བ་བཅས་ཀྱི་ཆེད་མཆོག་གསུམ་ལ་གསོལ་བ་འདེབས་རྒྱུ་ལས་ལྷག་པའི་ཐབས་མཆོག་གཞན་མེད་ཅིང་། སངས་རྒྱས་ཀྱི་རྗེས་འཇུག་ཞིག་ལ་མཚོན་ན་དེ་ནི་གནས་སྐབས་འདི་ལྟ་བུར་ངེས་པར་མ་བསྐུལ་དང་བླངས་ཀྱིས་སྒྲུབ་དགོས་པའི་འོས་འགན་ཡིན་པ་ངེས་པའི་ཐོག ང་ཚོ་ཞིབ་འཇུག་ཚོགས་པའི་ཚོགས་འདུ་སྔ་ཕྱིའི་གྲོས་གཞིའི་དགོངས་དོན་གཞིན་འདི་ག་བོད་བརྒྱུད་ནང་བསྟན་ཞིབ་འཇུག་ཚོགས་པས་གོ་སྒྲིག་གིས་ཟླ་འདིའི་སྤྱི་ཚེས་༡༨གཟའ་པ་སངས་ཀྱི་དགུང་མོ་ཆུ་ཚོད་གཉིས་ཀྱི་རིང་གདུང་སེམས་མཉམ་བསྐྱེད་མཚོན་པའི་སྨོན་ལམ་ཟབ་རྒྱས་ཤིག་གོ་སྒྲིག་ཞུ་རྒྱུ་གཏན་ཁེལ་ཟིན་པས་ཐའེ་ཝན་འབྲེལ་ཡོད་སོ་སོས་རང་རང་གི་ཆོས་ཚོགས་ཀྱི་འགན་ཁུར་ཏེ་མཉམ་ཞུགས་གནང་ཐུབ་ངེས་ཀྱི་དམིགས་བསལ་ཛ་དྲག་གི་འབོད་སྐུལ་ཞུ་བཞིན་ཡོད། ཆ་འཕྲིན་འདི་སུས་གསན་ན་ཕན་ཚུན་ངེས་པར་གསུང་གནང་ཡོད་པ་དང་བརྒྱུད་ལམ་ཁག་ཏུ་གང་མང་གཏོང་རོགས། གཅིག་གིས་གཅིག་ལ་སེམས་ཐག་ཉེ་བོས་མཉམ་ཞུགས་ཀྱི་སྐུལ་སློང་གནང་རོགས།

གཤམ་གསལ་དོན་ཚན་ཁག་ལ་དམིགས་བསལ་ཐུགས་སྣང་གནང་རོགས།

༼༡༽   ང་ཚོས་ལོ་སྔ་མར་ཡུལ་ཤུལ་ས་ཡོམ་སྐབས་མི་མང་ལ་སེམས་འགུལ་ཐེབས་སུ་འཇུག་མཁན་གྱི་དགེ་    

          འདུན་པ་དག་མིག་དཔེར་འཛིན་རྒྱུ།

༼༢༽   འདི་ནི་དགེ་འདུན་པས་དད་ལྡན་ལྟོས་བཅས་མི་མང་ལ་རང་གི་བྱམས་བརྩེ་ལག་ལེན་དུ་བྱེད་པའི་

          དུས་སྐབས་གལ་ཆེན་ཞིག་ཡིན་པ།

༼༣༽   འདི་ནི་ཐའེ་ཝན་གནས་བཞུགས་བོད་བརྒྱུད་ནང་བསྟན་རྗེས་འཇུག་པ་ཡོངས་མཉམ་འབྲེལ་གྱིས་

          ལག་གདངས་སྦྲེལ་བའི་གོ་སྐབས་གལ་ཆེན་ཞིག་ཡིན་པ།

༼༤༽  འདུ་འཛོམས་འདིར་བླ་སྤྲུལ་སུ་འདྲ་ཞིག་ཡིན་ཡང་རང་ཉིད་ལ་དམིགས་བསལ་གདན་ཞུས་དགོས་

          པའི་དགོངས་ཚུལ་མི་གནང་བར་བློ་གཅིག་སེམས་གཅིག་གིས་རང་འགུལ་གྱིས་མཉམ་ཞུགས་གནང་

          རྒྱུའི་དཀྱེལ་ཡངས་ཀྱི་དགོངས་བཞེས་ཡོང་བ། 

༼༥༽   ཁག་སོ་སོས་མི་རེ་ངོ་རེ་ནས་རང་གི་ཆོས་ཚོགས་དང་འབྲེལ་ཡོད་གང་མང་མཉམ་ཞུགས་གནང་རྒྱུའི་  

          འབོད་སྐུལ་དང་རོགས་རམ་ཡོང་བ།

          ཞིབ་འཇུག་ཚོགས་པའི་གཞུང་ལས་ཁང་༏

          དུས་ཚོས།   ༢༠༡༡ལོའི་ཟླ་༣ཚེས་༡༨གཟའ་པ་སངས་མཚན་མི་ཆུ་ཚོད་༧/༣༠-༩/༣༠བར།

          ཐའེ་ཝན་གཡུ་འབྲུག་རི་བོ་དགོན་པའི་རིག་གནས་ཁང་ཆེན་ཐོག་བརྩེགས་བདུན་པའི་

          ཚོགས་ཁང་ཆེན་མོ།

          ས་ཆ།     新北市板橋區文化路二段242號7樓

 (江子翠捷運站3號出口)

 

        ཁ་པར།   ༠༢༨༦༦༥༠༩༤༩     ༠༩༦༣༠༡༧༥༠༨   ༠༩༢༦༢༧༨༣༦༩

         གློག་ཕྲིན།   itbsi@buddhajnana.org

       བོད་རྒྱལ་ལོ་༢༡༣༨ཆོ་འཕྲུལ་ཟླ་བའི་ཚེས་༨སྤྱི་ལོ་༢༠༡༡ལོའི་ཟླ༣་ཚེས་༡༣ལ། 

  བོད་བརྒྱུད་ནང་བསྟན་ཞིབ་འཇུག་ཚོགས་པའི་སྨོན་ལམ་གོ་སྒྲིག་ཚོགས་ཆུང་ནས་ཕུལ།

相簿設定
標籤設定
相簿狀態